ԱՐԺԱՆԱՊԱՏԻՎ ՍՊԱ» ԻՐԱՎԱՍՈՑԻԱԼԱԿԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԿՈՉԸ

Ներկայիս բարդ իրավիճակում, երբ կա մեծ վտանգ մեր արտաքին թշնամու կողմից ոտնձգությունների, խիստ անհրաժեշտություն է զգացվում Արցախի բանակի նախկին գլխավոր հրամանատար Սամվել Անդրանիկի Բաբայանի շունչը բանակում:

Հարկ ենք համարում նշել, որ նրան առաջին անգամ դատապարտելը Արցախի նախկին նախագահի նկատմամբ մահափորձ կատարելու համար համարում ենք անհիմն. մեր ներկայացուցիչը ՀՀ ԱԺ պատգամավորի կարգավիճակում ուսումնասիրել է դատավարության պրոցեսում քրեական գործը և դեռ այն ժամանակ հայտարարվել է, որ այս գործում Սամվել Բաբայանի կողմից հանցակազմ չկա, բայց քաղաքական պատվերի արդյունքում հերոսը դատվեց:

Վերջին քրեական գործի մանրամասներին ծանոթ ենք միայն մամուլից և հեռուստատեսությունից, բայց ելնելով ներկա իրավիճակից՝ գտնում ենք, որ եթե նրա արարքը նույնիսկ հանցակազմ է պարունակում, որը հանրորեն այնքան էլ վտանգավորություն չունի, անհապաղ պետք է ազատել վերջինիս և հնարավորություն ընձեռել՝ բանակում իր շունչը տարածելու և բանակի ոգին բարձրացնելու համար:

Մանրամասն...

ՍՊԱՆԵՐԻ ՎԵՐՋԻՆ ԶԱՐՄԱՆՔԸ

     «Արժանապատիվ սպա» իրավասոցիալական հասարակական կազմակերպությունը սկզբունք էր որդեգրել քաղաքականությամբ չզբաղվելու, բայց մայիսի 1-ին ՀՀ ազգային ժողովի արտահերթ նիստը լսելուց և հատկապես Գևորգ Կոստանյանի ելույթը լսելուց հետո առնվազն հայրենիքի դավաճան պետք է լինել, որպեսզի չարձագանքել: 

    Ափսոսանքով պետք է նշել, որ հայկական թատրոնն ի՜նչ մեծ դերասան է կորցրել: Փաշինյանին մեղադրում էր մասնագիտական պատրաստվածություն չունենալու համար: Գևո՛րգ Կոստանյան, մի մոռացիր, թե ինչպես հայրիկիդ փողերով ուսանողական աթոռից հայտնվեցիր արդարադատության փոխնախարարի աթոռին այն դեպքում, երբ համալսարանի իրավաբանական ֆակուլտետում սովորել էիր դարձյալ հայրիկիդ փողերով և ոչ թե քո գիտելիքներով: Հարսանիքներում հանրապետության նախագահի կենացները խմելով ցույց էիր տալիս քո հավատարմությունը նախագահին: Բայց դու ի՞նչ հավատարիմ. դու քո հարազատ հորն ես դավաճանել: Հիշիր, վերջին անգամ ե՞րբ ես հորդ տեսել. ճանաչելով այդ մարդուն՝ կասկածում ենք, որ դու նրա որդին ես... Հավատալով քո դերասանությանը՝ նշանակեցին զինվորական դատախազ, պատկերացում չունենալով այդ աշխատանքից՝ կազմակերպեցիր կադրային ջարդ՝ շուրջդ հավաքելով դեղնակտուցների, օգտվելով պաշտոնական դիրքիցդ՝ ՊՆ մատակարարման բազմաթիվ բիզնեսներ խլեցիր և սկսեցիր անորակ ապրանքներով հեղեղել ՊՆ-ը, որի մասին ՊՆ բոլոր աշխատակիցները գիտեն: Թալանը հաջող իրականացնելուց հետո «փեսայի» միջոցով հասար ՀՀ գլխավոր դատախազի պաշտոնին: Գևո՛րգ Կոստանյան, դու երբևիցե մարդ քննե՞լ ես, որևէ քրեական գործի վարույթ ընդունե՞լ ես, որևէ մեղադրանք ինքնուրույն առաջադրե՞լ ես: Քո դատարկ մասնագիտական ունակությամբ ապականեցիր ամբողջ դատախազությունը՝ կադրային ջարդ կազմակերպելով, աշխատակիցները ծիծաղում էին վրադ՝ որպես դատախազությունից հեռու մարդու:

Մանրամասն...

«ԱՐԺԱՆԱՊԱՏԻՎ ՍՊԱ» ԻՐԱՎԱՍՈՑԻԱԼԱԿԱՆՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԿՈՉԸ ՀԱՅ ՍՊԱՆԵՐԻՆ

Տեսնելով ներկայիս իրավիճակը՝ «Արժանապատիվ Սպա»  իրավասոցիալական հասարակական կազմակերպությունը անհրաժեշտություն է համարում կոչով դիմել բոլոր կառույցներում աշխատող հայ սպաներին արժանապատիվ ձևով կատարել օրենքով սահմանված Ձեր պարտականությունները՝ առավել ուշադրություն դարձնելով սահմանների պաշտպանությանը և հասարակական կարգի պահպանմանը:

Տեսնելով, թե ովքեր են փորձում միանալ արդարացի և ազնիվ շարժմանը, որին առանց հուզմունքի չես կարող հետևել, հասկանում ես, որ կարող է սկսվել «պաշտոնաթալան», ուստի այս պահին դուք կարող եք և պարտավոր եք պաշտպանել խաղաղ ժողովրդին: Շատ դժվար է լինելու Նիկոլ Փաշինյանի համար այս ժամանակահատվածում: Դժվար կլինի ճշտել՝ ովքեր են մտածում ժողովրդի և հայրենիքի ապագայի մասին, իսկ ովքեր են ցանկանում նրա կողքին լինել «պաշտոնաթալանից» օգտվելու համար:

Երկիրը ցնցումներից ետ պահելու համար հայ սպաներին կոչ ենք  անում զգոնություն և հայրենիքին տրված երդմանը հավատարմություն:

Թող հաղթանակի արդարությունը՝ ժողովուրդը: 

«Արժանապատիվ ՍՊԱ» ԻՍՀԿ նախագահ,
գեներալ-լեյտենանտ Գագիկ Կոստանդյան  

Սկսվել է մինչև 1932 թվականի դեկտեմբերի 31-ը ներառյալ ծնված անձանց ավանդների դիմաց փոխհատուցման հաշվառման գործընթացը

Նախկին ԽՍՀՄ Խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցում ստանալու իրավունք ունեն նախկին ԽՍՀՄ Խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներառյալ խորհրդային ռուբլով դրամական ավանդներ ներդրած հետևյալ անձինք` 

1. մինչև 1932 թվականի դեկտեմբերի 31-ը ներառյալ ծնված անձինք, 
2. ՀՀ պաշտպանության մարտական գործողությունների մասնակցած անձինք,
3. ՀՀ պաշտպանության մարտական գործողությունների հետևանքով չօգտագործվող և հակառակորդի կողմից հողատարածքների գնդակոծման դեպքեր ունեցող` ՀՀ սահմանամերձ համայնքներում 2014 թվականի օգոստոսի 1-ի դրությամբ հաշվառված անձինք:

   Մանրամասն..