Ախր ե՞րբ ենք լավ ապրելու

Այս հարցը միշտ հուզել է մեզ, բայց լուծումը դեռ չենք գտել:

Հայկ Նահապետը հաղթեց Բելին և կարծես, թե անկախացանք, սակայն շուտով մժեղի պես, մեր երկիրն արշավեցին արաբ, սելջուկ, պարսիկ, թաթար և ապրելը կրկին դարձավ նախկինից էլ վատ ու «բեթար»:
Տիգրան Մեծը միավորեց մեր երկիրն ու այն հասցրեց ծովից ծով, բայց միաբան մենք չեղանք, հալածվեցինք, քայքայվեցինք ու կրկին մեր Հայոց երկրում տիրեց ջարդ, գաղթ, հիվանդություն,ցուրտ, խավար, սով: Պայքարեցին երկրի համար մեր քաջարի Սպարապետները, Դավիթ Բեկն ու Անդրանիկը, բայց երկար չտևեց հաջողությունը, թուրքն իրականցրեց Ցեղասպանությունը:

Հետո բռնեցինք լենինյան ուղին, բայց շուտով այն էլ հանձնեցինք հողին: Ապա սկսվեց ազատագրման և անկախացման շարժման ալիքը և թվում էր, թե մոտ է մեր պայծառ կյանքի գալիքը: Բայց ապաշնորհ, գռփող, թալանող մարդկանց պատճառով կրկին մեր երկրում տիրեց ցուրտն ու սովը:

Հիմա էլ սկսվել է նոր ընտրություններ ու չգիտենք ու՞մ պետք է հետևել: Երկիրը կանգնած է պատերազմի շեմին, պետք է տեր կանգնենք Հայոց աշխարհին և անկախացած հերոս Արցախին: Կրկին ծագել է միևնույն հարցը, թե երբենք, իրոք, մենք լավ ապրելու և դրա համար ու՞մ ենք ընտրելու: Պետք է պայքարի մեր նոր սերունդը, որ իրականանա մեր երազանքը և հայկական մեծ վերածնունդը:

Հեղինակ` Աննա Կոստանդյան
17 տարեկան

Գործադիրը հաստատեց աշխարհազորայինների իրավունքներին վերաբերող նոր նախագիծը

Ըստ ՀՀ կառավարության, 2016 թվականի ապրիլի 1-ից հետո Ադրբեջանի կողմից 1994 թվականի զինադադարի համաձայնագրի խախտումից (Ադրբեջանի կողմից սանձազերծված ռազմական գործողություններից) ելնելով, ինչպես նաև հետագայում հակառակորդի կողմից հնարավոր նախահարձակ գործողություններով պայմանավորված՝ աշխարհազորային համարվող աշխատողների աշխատանքային իրավունքների լիարժեք պաշտպանության համար իրավական հիմքերի ապահովման նպատակով անհրաժեշտություն է առաջացել ՀՀ աշխատանքային օրենսգրքով աշխարհազորայինների համար սահմանել աշխատանքային լրացուցիչ երաշխիքներ (աշխատատեղի պահպանում և վարձատրության կազմակերպում)՝ կամավորական հիմունքներով մարտական գործողություններին մասնակցելու ժամանակահատվածում:

Մանրամասն...

Սահմանվել է կամավորականների սոցիալական պաշտպանության իրականացման կարգը

ՀՀ աշխատանքի և սոցիալական հարցերի նախարար Արտեմ Ասատրյանի ներկայացմամբ 02.06.2016թ. ՀՀ կառավարության հերթական նիստում ընդունվել է «Հայաստանի Հանրապետության պաշտպանության ժամանակ զոհված կամ մահացած կամ անհայտ կորած կամ հաշմանդամ ճանաչված՝ զինվորական ծառայության մեջ չգտնվող անձանց մասին» ՀՀ կառավարության որոշման նախագիծը:

Որոշմամբ սահմանվել է Ադրբեջանի Հանրապետության կողմից 1994 թվականի զինադադարի համաձայնագրի խախտման հետևանքով տեղի ունեցած մարտական գործողություններին մասնակցելու նպատակով կամավորագրված և մարտական գործողությունների շրջան մեկնած՝ զինվորական ծառայության մեջ չգտնվող անձանց (կամավորականներ) սոցիալական պաշտպանության իրականացման կարգը: Մասնավորապես՝...

Մանրամասն...

Հայ հայրենասերի և քաղաքացու պատվո վարքականոնը

Պատիվը մարդու բարձրագույն արժեքն է: Մարդու պատվի հասկացությունը ձևավորվում է անանցանելի արժեքներից, նրանցից որոնք փոփոխվող են, և նրանցից, որոնք բնորոշ են առանձին անհատին և ժողովրդին, որպես կոլեկտիվ անհատի: Ոչ մի վարքականոն չի կարող ընդգրկել պատվի բոլոր կողմերը և դրսևորումները կամ լինել սահմանափակված որոշակի կետերի քանակով:

Պատվի վարքականոնը Ազգային գաղափարախոսության բաղկացուցիչ մասն է:

Վարքականոնում պատվի կատեգորիան անքակտելիորեն կապված է բարոյականության, բարոյախոսության, խղճի, արժանապատվության հետ և հանդես է գալիս որպես մարդու բնույթի խոր  առանձնահատկություններից մեկը: Եթե բարոյականությունը և բարոյախոսությունը միաժամանակ հանդես են գալիս և որպես սոցիալական և որպես մարդուն բնորոշ երևույթներ, որպես ոգեղենության ու մշակույթի արտահայտություն, ապա պատիվը մարդու հատկությունների ավելի հին և հիմնարար շերտ է և որոշ չափով  արտացոլում է մարդու անհատականության սոցիալ-կենսաբանական հատկությունները: Խիղճ - պատիվ - արժանապատվություն - բարոյականություն - բարոյախոսություն շղթայում պատիվը խղճի՝ ի վերուստ տրված, անտեսանելի ապաքինության տեսանելի արտաքին արտացոլումն է:..

Մանրամասն...